नवाजुद्दीन सिद्दीकीसँग सम्बन्धविच्छेद माग्नुको कारणबारे बोल्दै श्रीमती भन्छिन्, ‘म सधैं एक्लो महसुस गर्थेँ, आत्मसम्मान गुमेको थियो’

बलिउड अभिनेता नवाजुद्दीन सिद्दीकीसँग सम्बन्धविच्छेद माग गरिरहेकी उनकी श्रीमतीले अब आफ्नो वास्तविक नाम अञ्जना किशोर पाण्डेसहित अघि बढ्ने निर्णय गरेको बताएकी छिन् ।

भारतीय सञ्चारमाध्यमसँगको एक कुराकानीमा उनले भनिन्, ‘म पुनः आफ्नो वास्तविक पहिचान अञ्जना किशोर पाण्डेमा आइपुगेकी छु । ’

दोस्रो विवाहको कुनै इच्छा छैनः

अञ्जनालाई विश्वास गर्ने हो भने उनी अघि त बढ्न चाहन्छिन् तर दोस्रो विवाहको कुनै इच्छा छैन । उनी भन्छिन्, ‘मलाई दोस्रो विवाह गर्न आवश्यक छैन । ’

यद्यपि, अञ्जना छोराछोरीको कस्टडी उनैले पाउनुपर्ने कुरामा आशावादी छिन् । उनी भन्छिन्, ‘मैले उनीहरुलाई हुर्काएकी छु र म उनीहरुको कस्टडी चाहन्छु ।’

यो पनिः
बिरामी आमालाई लिएर गाउँ गए नवाजुद्दीन, श्रीमती आलियाले मागिन् सम्बन्धविच्छेद
बलिउड नायक नवाजुद्दीन सिद्दीकी परिवारसहित १४ दिनको क्वारेन्टाइनमा
सम्बन्धविच्छेदको कारणः

अञ्जनालाई विश्वास गर्ने हो भने उनको र नवाजबीच थुप्रै मुद्दा छन् । तर उनी यसलाई सार्वजनिक गर्न चाहन्नन् । उनी भन्छिन्, ‘एक दशकसम्म सँगै बसेपछि हाम्रो सम्बन्ध चिसियो । दुई महिनाको लकडाउनमा मैले आफूले आफैलाई थुप्रै सवाल जवाफ गर्ने मौका पाएँ । विवाहमा आत्मसम्मान निकै महत्वपूर्ण हुन्छ र त्यो मेरो समाप्त भइसकेको थियो ।’

अञ्जनाले थपिन्, ‘मेरो आत्मसम्मान गुमेको थियो । मलाई यस्तो लाग्थ्यो कि म कोही पनि होइन । सधैंभरी एक्लो महसुस गर्थेँ । उनको भाइ शम्सले समस्या झन् थपेका थिए ।’

सम्वन्धित समाचार

Leave a Comment